Քինոան՝ բուսական սպիտակուցի, մանրաթելերի և երկաթի հրաշալի աղբյուր է, որը առողջարար սննդակարգի անբաժանելի մաս կարող է լինել: Նրա սննդային արժեքը և յուրահատուկ համը դարձնում են այն կատարյալ տարբերակ ցանկացած ուտեստի համար՝ լինի դա աղցան թե՛ ապուր։

Քինոայի սերմերը լինում են մի քանի տեսակի ՝ ամենատարածվածը սպիտակ, կարմիր և սև քինոան են։

Ինչու՞ ընտրել քինոան

Պարունակում է բոլոր անհրաժեշտ ամինաթթուները՝ դարձնելով այն գերազանց բուսական սպիտակուցի աղբյուր, որը առանցքային դեր է խաղում մեր մարմնի յուրաքանչյուր բջջի ստեղծման և պահպանման գործում: Այն սնուցում է մեր բջիջները և ուժ է տալիս օրգանիզմին:

Կատարում է արյան շաքարի մակարդակի կարգավորում:Օգտակար սննդանյութերը օգնում են կարգավորել արյան շաքարի մակարդակը, ինչը կարևոր է շաքարախտ ունեցող մարդկանց համար:Ինչպես նաև քինոան կարող է նպաստել խոլեստերինի մակարդակի իջեցմանը և պաշտպանել սրտանոթային համակարգը։

Քինոայի ավելացումը ձեր սննդակարգին ապահովում է ձեր առողջությունը,քանի որ այն համարվում է հակաօքսիդանտ և հակաբորբոքային սնունդ։ Բժիշկները խորհուրդ են տալիս օգտագործել քինոան մկանների աճի և մարմնի ընդհանուր առողջության համար։Այն բալանսավորում է օրգանիզմը վերադարձնելով էներգիան։

Այս հացահատիկը կարելի է օգտագործել նաև որպես երկաթի աղբյուր, հատկապես այն մարդկանց համար, ովքեր չեն ուտում բավարար քանակությամբ մսամթերքներ: 

Այն համարվում է դիետիկ սնունդ, քանի որ ունի ոչ միայն ցածր կալորիականություն, այլև բավականաչափ մանրաթելեր, որոնք նպաստում են մարսողական գործընթացի լավացմանը։

Ի՞նչ հետաքրքիր ուտեստներ կարելի է պատրաստել 

One Pot Moroccan Quinoa - բաղադրատոմսի համար ձեզ հարկավոր է ՝

• 1 գլուխ սոխ
• 1 հատ բուլղարական պղպեղ
• Համեմունքներ (չաման, համեմ)
• 3 կտոր սխտոր
• 1 բաժակ չեփած քինոա
• 1 բանկա սև լոբի
• 1 բաժակ եգիպտացորեն
• 2 հատ լոլիկ
• 2 բաժակ ջուր (կամ բանջարեղենի արգանակ)
• Կիլանտրո

Այս բաղադրատոմսը հիանալի տարբերակ է արագ և սննդարար ուտեստ պատրաստելու համար։

Պատրաստման եղանակ ՝


Քինոան ողողեք սառը ջրի տակ նուրբ ցանցով , որպեսզի հեռացնեք դրա բնական ծածկույթը (սապոնինը) և կանխեք դառնությունը:

Մեծ կաթսայի մեջ միջին ջերմության վրա տաքացրեք մոտ 1 ճաշի գդալ ձիթապտղի յուղ:

Կաթսայի մեջ ավելացնել մանր կտրատած սոխը և բուլղարական պղպեղը։ Տապակել մոտ 5-7 րոպե, մինչև դրանք սկսեն փափկել։Ավելացնել աղացած սխտորը, չամանը և ուրցը։ Եվս մեկ րոպե հարում ենք, մինչև բուրավետ դառնա։

Ավելացնել քինոան։

Խառնել քինոան բանջարեղենի և համեմունքների հետ 1-2 րոպե:

Ավելացնել ջուրը կամ բանջարեղենի արգանակը և հասցնել եռման աստիճանի։

Եռալուց հետո կրակը ցածրացրեք, կաթսան կափարիչով փակեք և թողեք եփվի մոտ 15-20 րոպե կամ մինչև քինոան կլանի հեղուկը և փափկի։

Ավելացնել լոբի, եգիպտացորեն և լոլիկ.

Քինոան եփվելուց հետո կաթսայի մեջ ավելացնել սև լոբին, եգիպտացորենը և խորանարդի կտրատած լոլիկը։

Խառնել ամեն ինչ, որպեսզի միացվի և եփել ևս 5-7 րոպե, որպեսզի տաքանա: